पाकिस्तानसँगको अन्तिम खेलमा नेपालले लाज बचायो
नेपाल र पाकिस्तानबीचको तीन एक दिवसीय मैत्रीपूर्ण खेलको शृंखलाअन्तर्गत आज भएको अन्तिम खेलमा १५ रनले जित्दै नेपालले लाज बचाएको छ। टस जिती पहिलो ब्याटिङ गर्दै विपक्षीसामु एक सय ३७ रनको चुनौती पेस गरेकोमा पाकिस्तान २८ दशमलब ३ ओभरमा एक सय २१ रनमै अलआउट भएपछि नेपालले शृंखलामा सान्त्वना जित हात पारेको हो। यसअघि भइसकेको दुई खेलमा नेपाल पराजित भइसकेको थियो। राजधानीको कीर्तिपुरस्थित त्रिभुवन विश्वविद्यालय अन्तर्राष्ट्रिय क्रिकेट मैदानमा भएको खेलमा नेपालले ३८ दशमलब दुई ओभरमा एक सय ३६ रन बनाएर अलआउट भएको थियो। नेपालका लागि शक्ति गौचनले अविजित ५० रन बनाउनुभएको थियो।
Post a Comment