नेपालको यात्रामा हौसलाको सिँढी
विनोद पाण्डे (काठमाडौं) पाकिस्तान क्रिकेट बोर्ड एकेडेमीविरुद्धको अभ्यास खेलमा स्मरणीय विजय हात पारेपछि विश्वकपमा छनोट हुने नेपाली क्रिकेटको महत्त्वाकांक्षी योजनामा ठूलो बल प्रदान गरेको छ। आफूभन्दा निकै माथिल्लोस्तरको मानिएको पाकिस्तानी टोलीविरुद्ध नेपालले आइतबार त्रिवि क्रिकेट मैदान कीर्तिपुरमा १५ रनको अप्रत्याशित विजयी नतिजा निकालेको थियो।सन् २०११ मा एसियाली महाद्वीपमा हुने विश्वकपको छनोट खेल खेल्न नेपाली टोली यसै साता इङ्ल्यान्ड हुँदै जर्सीग्दै छ। मे २१ देखि ३१ सम्म जर्सी हुने आईसीसी विश्व क्रिकेट लिग डिभिजन-५ मा नेपालले समूह चरणमा अमेरिका, जर्मनी, नर्वे, मोजाम्बिक र भानुएटुसँग प्रतिस्पर्धा गर्नेछ। डिभिजन-५ को फाइनलमा पुग्ने दर्ुइ टोली डिभिजन-४ का लागि छनोट हुनेछन्।विश्वकपमा छनोट हुन नेपालले डिभिजन-५ बाट डिभिजन-४, डिभिजन-३ हुँदै अन्तिम छनोट मानिएको १२ राष्ट्र सम्मिलित डिभिजन-२ मा प्रतिस्पर्धा गर्नुपर्ने हुन्छ।यस अर्थमा नेपालका लागि विश्वकपमा छनोट हुनु अहिलेलाई नै लगभग असम्भव चुनौती हो। तर क्रिकेटमा सबै सम्भव छ। विश्व क्रिकेटमा ँर्डार्क हर्सँ को उपनाम पाएको नेपाली टोलीले आइतबार पाकिस्तानी टोलीविरुद्ध निकालेको विजय नतिजापछि त्यो प्रमाणित पनि भएको छ।ँयदि नेपाल विश्वकपमा छनोट भएमा सबैभन्दा खुसी म हुनेछु’, नेपालको प्रदर्शनको प्रशंसा गर्दै पाकिस्तान क्रिकेट बोर्ड एकेडेमी टोलीका प्रशिक्षक इजाज अहमदले भने- ँनेपालले राम्रो खेलेर जितेको हो, राम्रो टोलीसँग खेलेरै नेपालले आफनो प्रदर्शनमा सुधार ल्याएको हो।’
Post a Comment