एकदिवसीय मैत्री खेलमा पाकिस्तानद्वारा नेपाल पराजित
पाकिस्तान क्रिकेट बोर्डको एकेडेमिक टोली र नेपाली राष्ट्रिय टोलीबीच बिहीबार राजधानीमा भएको मैत्रीपूर्ण एकदिवसीय खेलमा नेपाल पराजित भएको छ। नेपाली राष्ट्रिय टोलीले पहिले ब्याटिङ थालेको खेलमा नेपालले पाकिस्तानलाई एक सय ५३ रनको लक्ष्य दिएकोमा पाकिस्तान क्रिकेट बोर्डको टोलीले २३ दशमलब २ ओभरमा ३ विकेट गुमाएर आफ्नो लक्ष्य हासिल गरेको हो।नेपालले आफ्नो इनिङमा ४६ ओभरमा एक सय ५२ रन बनाउने क्रममा अलआउट भए पछि पाकिस्तानी टोलीले एक सय ५३ रनको चुनौती पाएको थियो। नेपालका लागि ज्ञानेन्द्र मल्लले सबैभन्दा बढी ४५ रन बनाए भने परेश लोहनीले २३ रन जोडेका थिए।
Post a Comment