रोमाञ्चक फाइनलमा काठमाडौंलाई उपाधि
विनोद पाण्डे, (काठमाडौं)। निकै रोमाञ्चक फाइनलमा निकटतम प्रतिद्वन्द्वी भैरहवा (क्षेत्र नं. ४) लाई १ रनले पराजित गरी काठमाडौं (क्षेत्र नं. २) ले स्प्रिङउड राष्ट्रिय क्रिकेट लिग प्रतियोगिताको उपाधि जितेको छ। यसअघि तीन पटक फाइनलमा निराशा भोगेको काठमाडौंले राष्ट्रिय प्रतियोगिता जितेको यो पहिलो अवसर हो।त्रिवि क्रिकेट मैदानमा टस जितेर ब्याटिङ रोजेको काठमाडौंले ४९.३ ओभरमा अलआउट भई १ सय ९९ रन जोडेको थियो। वर्षाले बाधा गरेपछि भैरहवालाई ३६ ओभरमा १ सय ६९ रन बनाउनुपर्ने नयाँ लक्ष्य दिइएको थियो।अन्तिम ओभरमा जितका लागि आठ रन बनाउनुपर्ने अवस्थामा भैरहवाका अन्तिम जोडी फैजल खान र मोहन थापाले पारस खड्काको पहिलो चार बलमा एक/एक गरी चार रन लिएका थिए। पाँचौं बलमा बिट भएका मोहनले अन्तिम बलमा दुई रन मात्र जोडेपछि भैरहवाले ३६ ओभरमा ९ विकेट गुमाई १ सय ६७ रन मात्र बनाउन सक्यो। बाँकी समचार
Post a Comment