एसिया कप खेल्ने सपना चकनाचुर
काठमाडौँ। सन् २०१० मा हुने एसिया कप क्रिकेट खेल्ने नेपालको सपना पूरा नहुने भएको छ। एसीसी ट्रफी एलिट क्रिकेट प्रतियोगिताको सेमिफाइनलमा आज यूएईसँग ६ विकेटले पराजित भएपछि नेपालको एसिया कप खेल्ने सपना चकनाचुर भएको हो। मलेसियाको सेलाङ्गोर टर्फ क्लबमा जितका लागि १ सय ६७ रनको लक्ष्य पाएको यूएईले ४५ दशमलव ४ ओभरमा ४ विकेट गुमाउँदै लक्ष्य भेट्टायो। यसअघि टस जितेर पहिलो ब्याटिङ गरेको नेपालले ४७ दशमलव ३ ओभरमा सवै विकेट गुमाएर १ सय ६६ रन बनायो। नेपालका शक्ति गौचनले ३५ तथा शरद भेषवाकरले ३३ रन बनाए। लिग चरणका सबै ४ वटा खेलमा जित हात पार्दै समूह बीको विजेता हुँदै सेमिफाइनलमा पुगेको नेपाल लिग चरणको प्रदर्शन दोहोर्याउन नसक्दा पराजित भएको हो।
Sourse of weekly Nepal